Legendarni slovenački bend Lačni Franz, na čijem čelu je pjevač i autor Zoran Predin, objavio je novi singl.
Riječ je o pjesmi “Koji s vjetrom pjevaju”, kojom bend najavljuje i novi album “Akustična pusa”. Pjesma ima verziju i na slovenačkom jeziku, te nosi naziv “Akustična voda”, a ona će biti prvi singl novog slovenačkog albuma “Nova nebesa”. Obje pjesme potpisuju Milan Prislan (muzika) i Zoran Predin (tekst), dok je cijeli bend bio zadužen za aranžmane.
Oba albuma sadrže po 10 novih pjesama, a biće objavljeni za Croatia Records do kraja novembra ove godine. Novi projekti Lačnog Franza nadovezuju se na album “Svako dobro”, objavljen prošle godine.
U nastavku možete preslušati obje verzije singla.
“Koji s vjetrom pjevaju
“Akustična voda”
Naslovna fotografija: Lačni Franz / promo